由於SINA這個BLOG太唔穩陣，打打下的字可以全部冇晒，所以都係轉左佢好D，免得徙心機!

新Blog......http://ngancwn.itctm.com/

自從Kelly個Wii廣告出街，引得阿呢發笑，仲連在街上見到個Wii盒都會好開心咁笑，有見及此，老公梗係會同阿呢一齊玩啦，但其實多數都係阿呢搶住所有手掣，老公係玩唔到的，好冇癮的。

但今日老公就特登抱住阿呢一齊，等我可以做功課，佢地仲玩左建立一個新成員的資料...

 (閱讀全文)

唔知點解今年的年三十要返工，而外婆就要回家拜神，所以今日(原本)要老公自己一個照顧阿呢一天，但只係原本，由於阿呢發燒，我又不放心，加上公司返得80多位老細，夠晒人手，我就申請假期一天，幫手照顧阿呢，冇咁擔心，原本得老公一個照顧時，我們個個都在擔心，依家可以多一個人(我)幫幫手，都好D。

原本仲要話可以放年三十就好D，點知依家真係有得放，但放假卻是因為阿呢唔舒服，又擔心又冇得出街，真係唔係咁好。

 (閱讀全文)

阿呢在今天就歲半了，佢應學的就唔肯學，唔應該做的/學的，就全部學了回來，最愛發脾氣，永不會和你合作，只有佢指揮你，以下的就是阿呢指揮我們一起進行的活動，並且做出的"傑作"。

個題目如此，都是因為我在寫blog時，佢在按keyboard。

 (閱讀全文)

今日維園花市第一日開，梗係要同阿呢去行下，雖然係第一日，但都好多人，原本打算早D出發(我特登放早一點)，但阿呢起身、梳洗及食野，都係要天黑先出到來，我就唯有自己去行下街先。

今次在我到達時見到好多人行緊(4:00)，到等到阿呢時已經冇咩人(5:30)，再行到好多人入場(6:30)，到我們走的時候，人潮又散去(7:30)，可見今次阿呢肯在場內活動，去年阿呢仍是坐在BB車，不時在扭計，我們好快行完就走了，今年佢會食住雞蛋仔，隨處亂跑，都令我們可以睇多一D場內的產品。

 (閱讀全文)

又同阿呢去食pizza，當然係試下個新pizza。 (閱讀全文)

由於吉之島有感謝日，有d抵的bb衣服，所以就同阿呢去行下黃埔... (閱讀全文)

今日係全校的親子旅行，目的地係大埔海濱公園，此地是我和老公第一次跟團去的地方，今日所見與當年完全不同，我覺得係差左。

個昆蟲館竟然要閉館維修，搞到成個公園左咩野玩，我們要搞親子活動。

個百花園，d花好稀疏好細稞，當年係好似百萬葵園咁，但係其他設施就好齊，好大的一個適合一家大細去玩的公園，不過好唔方便，附近係冇公共交通工具的。

 (閱讀全文)

老公的同學大部份都有了小朋友，仲大過我地阿呢，所以特別要帶埋阿呢一齊去玩，但去之前我們都係忍唔住要帶阿呢去睇醫生先，又係好多人，等左好耐，最後我們當然係遲到，去到阿呢其實要飲午餐奶，但佢竟然食左兩個小饅頭，又食左d飯，為免佢唔肯飲奶，我們都唔咁早餵佢，食飽、玩飽(成日想離坐、坐唔定、玩人地哥哥d車)我們後，伏在我的膊上，竟然睡著了，睡醒後當然要飲奶了，但又係玩野，飲左兩三安，又四圍八掛唔飲了，所以我們山長水遠來到太古，但都冇行到。

唔知係唔係因為我的急救牌已經過左期好耐，所以老細要我去上一個一日的CPR課程，去上堂原本都係一件幾好的事，但弊在要去到金鐘上堂，仲要在9:00開始，我要搭地鐵去，一落到地鐵站，已有一股不對勁的感覺，超多人，企都冇位企，在轉車時更有被人迫出車的感覺，之後當然要等第二班車，我在想是否平日是搭巴士返工，仲係去一個唔旺的地區，都好似唔使迫得咁緊要，失去了同人爭的能力，去到金鐘仲要轉巴士上山，係單層巴士，大量工人上去起樓，又一班人上去上堂，再一班人上返去豪宅屋企，架巴士又係逼爆，到午餐，得一間YMCA，又係我頭先講的人去食，又係逼爆，但上堂的就十分"hea"，純粹係st.john攞左基金，要達唔知全港幾多人識CPR的率，但都要考實習及筆試。可以出去上一日堂，都幾好! (閱讀全文)